Berisha: Martirët e 2 Prillit ranë për t’u bërë të pavdekshëm në një protestë kundër grabitjes së votës!

Në nderim të 4 martirëve që u vranë më 2 prill të vitit 1991 në Shkodër në masakrën e fundit të komunizmit në Shqipëri, sot në këtë qytet u zhvillua ceremonia e vendosjes së kurorave. Në ceremoni dha një mesazh edhe nga kryetari i PD, Prof. Dr. Sali Berisha.

Berisha tha nw fjalwn e tij se, martirët e 2 Prillit ranë për t’u bërë të pavdekshëm në një protestë kundër grabitjes së votës! Ai tha se, masakra e regjimit komunist në Shkodër jehoi si një barbari në të katër anët e planetit.

“Mirëdita dhe përshëndetje të përzemërta. Së pari, duhet të përshëndes dhe të përulem me mirënjohje para familjarëve të martirëve të 2 prillit, të pranishëm në këtë ceremoni. Të përshëndes demokratet dhe demokratët e Shkodrës, qytetaret dhe qytetarët e këtij qyteti dhe mbarë shqiptarët.

Ne sot nderojmë veprën e pavdekshme të martirëve të votës së lirë, bijve të Shkodrës, Arben Broci, Bujar Bishanaku, Nazmir Kryeziu dhe Besmir Ceka që ranë për t’u bërë të pavdekshëm në një protestë kundër grabitjes së votës nga diktatori i fundit komunist, Ramiz Alia dhe klika e tij.

Protestuesit paqësorë rrethuan atë ditë, më 2 prill të vitit 1991, ndërtesën e partisë së krimit, të bindur se ajo ishte projektuesja, organizatorja dhe ekzekutuesja e aktit të vjedhjes së votës dhe zgjedhjeve.

Por, protestës së tyre paqësore, diktatori Ramiz Alia dhe falangat e tij në Shkodër, iu përgjigjën me breshëri, nga të cilat ranë për t’u bërë të pavdekshëm 4 martirët e 2 prillit dhe u plagosën 87 qytetarë të tjerë në rrugët dhe sheshet e qytetit.

Të dashur miq, Artan Broci, Bujar Bishanaku, Nazmir Kryeziu dhe Besmir Ceka ranë në lule të rinisë së tyre, por sakrifica e tyre u shndërrua në dritë, në rrugën e shqiptarëve për zgjedhje të lira.

Masakra e regjimit komunist në Shkodër jehoi si një barbari në të katër anët e planetit. Parlamenti Europian, Kongresi i SHBA, qeveritë e vendeve mike, panë te ajo masakër fytyrën e vërtetë të regjimit që pretendonte se po pranonte pluralizmin”, tha Berisha.

About Redaksia

Check Also

Lul euroatlantiku bën një postim në facebook, tregon çfarë do bëjë kur të jetë kryeministër

Taksa e sheshtë 9% do ti jep fund tiranisë mbi shtresën e mesme dhe sipërmarrjen. Këtë …