Berisha: Në cilin vend anëtar të NATO-s, bashkia e kryeqytetit shndërrohet në një ndërmarrje private?

Kryetari i Partisë Demokratike, Sali Berisha ka bërë një paralelizim me vendet anëtare të NATO-s dhe skandalet qeveritare që ndodhin në Shqipëri.

Berisha tha, në cilin vend anëtar të NATO-s, bashkia e kryeqytetit shndërrohet në një ndërmarrje private?

“Zotërinj, Shqipëria është vend anëtar i NATO-s.

Në cilin vend anëtar të NATO-s, bashkia e kryeqytetit shndërrohet në një ndërmarrje private?

Në cilin vend anëtar të NATO-s, të zgjedhurit me votën e lirë burgosen dhe dënohen sepse nuk do kryeministri?

Në cilin vend anëtar të NATO-s, kryetari i partisë më të madhe opozitare mbahet në arrest si person në hetim?

Cilat janë standardet që mbrohen?

Shqiptarë, merrni fatin e Shqipërisë në duart tuaja.

Merrni fatin e Shqipërisë në duart tuaja, rruga e vetme për të ecur drejt Europës, rruga e vetme për të shpëtuar Shqipërinë”, tha Berisha.