Luan Baçi: T’u çojmë një mesazh të qartë atyre që mbajnë të izoluar Sali Berishën!

Deputeti i PD, Luan Baçi dhe drejtues politik për Qarkun e Fierit, gjatë takimit me demokratët e Roskovecit, tha se Qeveria nuk meriton të rrijë asnjë minutë në pushtet për shkak të vjedhjeve dhe skandaleve. Baçi u shpreh se opozita është e gatshme të përballet me këtë mazhorancë në çdo moment.

“Por ne jemi të kthjellët dhe të bindur se ky bashkim i opozitës, i demokratëve, erdhi si rezultat i rithemelimit, vizionit dhe drejtimit të partisë nga Sali Berisha.

Ne duhet të kthejmë në kauz heqjen e masës shtrënguese për liderin e opozitës, Sali Berishën. Duhet ti çojmë një mesazh të qartë të gjithë atyre që mbajnë të izoluar liderin e opozitës, Sali Berisha”, tha Baçi.

Ai u shpreh se në 14 maj, ne kemi fituar Bashkinë e Roskovecit, por makineria e pushtetit u vu në shërbim të Bufit, me shantazhe, me kërcënime.

“Ne jemi të gatshëm të përballemi me këtë kastë hajdutësh, ne do të përballemi me Bufin dhe gjithë bufat e Ramës. Bufi vazhdon të vjedhë edhe pse është në SPAK për shumë afera korruptive. Bufi i Bashkisë ka blerë së fundmi një makinë 40 mijë euro për të bërë xhiro në Roskovec, ndërkohë që fermerët janë lënë në mëshirën e fatit, po falimentojnë”, tha Baçi.

Ai tha se Bufi vjedh se pas saj është Edi Rama. “Bufi dhe Rama dhe gjithë bufat e tij, nëse s’kanë frikë nga ligji, duhet të kenë frikë nga qytetarët”, tha Baçi.

About Redaksia

Check Also

Berisha: Mafia ndërkombëtare është e tëra në mbështetje të Edi Ramës! Kjo e bën betejën tonë edhe dy herë më jetike

Kryetari i PD, Sali Berisha në fjalën e tij para qytetarëve në tubimin e përnatshëm, …