Tjetër skandal te Magjistratura, fryhet për herë të dytë me patronazhistë lista e të kualifikuarve

Një tjetër skandal është regjistruar ditën e sotme në shkollën e Magjistraturës nga ku dalin gjyqtarët dhe prokurorët e së ardhmes.

Të hënën (22 prill) është bërë provimi dhe në të njejtën ditën janë kontrolluar tezat me scantron. Në prezencë të të gjithëve, janë shpallur emrat e fituesve të cilët ishin vetëm 79. Ndërkohë që një ditë më pas, të martën, kur është shpallur lista zyrtare, në të rezultojnë 121 fitues. Pra, në listën e fituesve të konkursit janë shtuar 42 emra.

Ditën e sotme në listë shihet se janë shtuar edhe 10 emra të tjerë, duke shkuar kështu në 131.

Konkretisht, në provimin e Magjistraturës u renditën 442 konkurrentë, të cilët përgjatë tre fazave do të duhet të dilnin 20 kandidatë për gjyqtarë dhe 25 kandidatë për prokurorë. Faza e parë e provimit u mbaj në datën 22 prill dhe u renditën 79 fitues që duhet të kalonin në fazën e dytë. Ky rezultat u përmbys brenda pak orësh. Shkolla e magjistraturës në një deklaratë për median përmend se kur Scantron dha këtë rezultat u dyshua prej komisionit të vlerësimit elektronik duke sjellë rinumërimin dhe për këtë arsye lista shkoi në 121 fitues.

Përballë kundërshtimeve dhe një peticioni, shkolla e magjistraturës nuk e kreu provimin këtë të mërkurë  dhe së fundmi lista e atyre që do hyjnë në fazën e dytë të provimit deklarohet 131.

Kandidatët janë njoftuar se provimi do të mbahet ditën e nesërme (e enjte) në orën 08:00.

Veprimet brenda Shkollës së Magjistraturës duket se kanë një sfond korruptiv, me personazh kryesor Arben Rakipin.

   

Sekretari për çështjet ligjore i Partisë Demokratike, Ivi Kaso, në një deklaratë në lidhje me skandalin e provimit të Magjistraturës, tha se kjo shkollë kaq e rëndësishme është infektuar me virusin politik të Partisë Socialiste.

Sipas Kasos, ky skandal është i padëgjuar për standartin shqiptar. Kaso vë theksin tek kërkesa për dorëheqjen e menjëhershme të drejtorit aktual të shkollës Arben Rakipit, pasi sipas tij ai është personi që qëndron pas skandalit të rëndë.

 

About Redaksia

Check Also

Berisha për “Antena3 CNN”: Balla mik me Coldea, Agaçi ka firmosur kontratën që Coldea të jetë këshilltar i Ramës

Kryetari i Partisë Demokratike, Sali Berisha, i cili një javë më parë zbuloi se ish-deputeti …