“Italia nuk e kalon grupin, Anglia deri në gjysmëfinale”!

Kur kanë mbetur edhe dy ditë drejt fillimit të kampionatit evropian, analisti i njohur anglez i futbollit, Jamie Carragher ka bërë një parashikim të tij.

Ai u ndal tek grupi B, aty ku janë Shqipëria, Italia, Spanja dhe Kroacia.

Carragher tha se Italia nuk do e kalojë grupin.

“Grupi më i bukur dhe ekuilibruar është ai i Spanjës, Kroacisë dhe Italisë. Gjithçka do të vendoset në ndeshjet e fundit.

Gjithsesi, unë mendoj se në fund do të kualifikohen Spanja si vend i parë dhe Kroacia si e dytë.

Kroatët kanë në ekip një nga futbollistët më të mirë në histori: Luka Modric. Italia do të renditet e treta dhe Shqipëria e fundit.

Kam idenë që italianët nuk do të arrijnë të kualifikohen as si vend i tretë, ata do të mbeten në grup.

Skuadra e Luciano Spallettit do të grumbullojë pak pikë, sepse ësht pjesë e një grupi shumë të vështirë.

Anglia? Deri në gjysmëfinale po, por aty do të marrë fund rrugëtimi ynë. Do të jetë Franca që do të na nxjerrë jashtë”, theksoi Carragher.

About Redaksia

Check Also

Askush si Los Blancos në Europë!

Real Madrid vazhdon të mbizotërojë në botën e futbollit. Los Blancos, pasi fituan Champions League, …