Gazeta RD
Duke u ndalur te skandali me të sëmurët e prekur nga sëmundjet e rënda te Spitali Onkologjik, Berisha u shpreh se rrezatimi i pajisjes së kobaltit kishte një rrezatim 18 herë mbi normën dhe një gjë e tillë u denoncua nga një mjek i ndërgjegjshëm.
Berisha tha se, rrezatimi ishte 18 herë mbi normën! Një mjek i ndërgjegjshëm denoncoi skandalin, por u largua nga Onkologjiku.
“Por ka një mjek të ndërgjegjshëm, sigurisht ka shumë, por ai bëri gjithçka për të mbrojtur personelin, të sëmurët nga impianti vdekjeprurës i Manastirliut dhe ish-kunatës së Edi Ramës.
Ky mjek i nderuar, të cilit unë i uroj suksese, protestoi në ministri për impiantin e vdekjes.
Protestoi te Joti dhe te drejtorët e QSUT-së.
Protestoi te drejtoria e Onkologjikut.
Denoncoi në prokurori te burri i Ermelindës, te prokurori-Felaj.
Të gjithë kanë heshtur si fije bari, bashkë-kriminelë, bashkë-vrasës.
Njëri pas tjetrit duke mbrojtur njëri-tjetrin.
Mjeku i ndërgjegjshëm dha dorëheqjen, u largua me një guxim dhe duke i thënë: ç’ke ti me këtë punë, mos u merr ti me këtë punë.
Mos u merr me këtë punë, ndërkohë burimi i rrezatimit ishte 18 herë mbi normën, me matje ndërkombëtare.
U ndala në këtë moment për t’u shpjeguar shqiptarëve se fati i tyre në duart e Edi Ramës, se fati i tyre në duart e këtij pushteti është sot më i pasigurt se kurrë.
Se o sot o kurrë duhet të marrin fatin në duart e tyre.
Se sot o kurrë duhet të marrin fatin e tyre në duart e tyre.
Duhet të bashkohemi në protestën e fuqishme.
11 korriku është dita të themi fjalën tonë.
Është dita e betejës sonë.
Është dita e fitores sonë”, u shpreh Berisha.
