Gazeta RD
Eksperti i urbanistikës, Gent Kaprata duke folur në tubimin qytetar në rrugën e Shpresës, deklaroi se, Shqipëria po boshatiset dhe kjo është fatkeqësia më e madhe e kombit.
“Po ju tregoj atë që më ndodhi me studentin që mori 100 pikët e plota, dje në provimin e diplomës. Studenti që mori vlerësimin më të mirë, më tha se e kam zgjedhur këtë projekt arkitekturor sepse nuk dua që qyteti im të shterrojë.
Ai ka kuptuar atë që nuk e kuptojnë dot 185 mijë punonjës shtetit që i paguajmë ne me rrogat tona, që nuk mund të ketë zhvillim kombi, pa zhvillimin e qyteteve.
Nuk mund të ketë ekonomi kombëtare pa ekonomitë e qyteteve, dhe nuk mund të ketë ekonomi qyteti po nuk pati demokraci lokale.
Ndërkohë gjithë pushteti është grumbulluar tek ajo godina me kërpudhë.
Qytetet nuk kanë minimumin e pushtetit për të mbështetur politika lokale.
Është një fatkeqësi e madhe boshatisja e kombit. Është një nga fatkeqësitë më mëdha që mund ti urosh një kombi armik.
Ka 12 mijë vjet qytetërim dhe nuk kam dëgjuar ndonjëherë luftë mes kombeve për buxhetin. Por o i marrin banorët për skllevër o i marrin territore.
Prej 12 vitesh ne po lëshojmë përditë e më shumë territor në pjesën veriore, lindore dhe jugore të vendit, që ca njerëz të shesin ca kulla, pallate në Tiranë”, tha Gent Kaprata gjatë fjalës së tij.
