Përplasja në aeroportin e Shkupit me Presidenten e Kosovës, palët nxorrën armët

Një incident jo i këndshëm ka ndodhur sot në Aeroportin Ndërkombëtar në Shkup, ku si protagonist kanë qënë sigurimi i kryeparlamentarit Afrim Gashi si dhe sigurimi privat i Aeroportit që menaxhohet nga TAV.
Sipas burimeve,  të dyja palët pas konfrontimit verbal kanë nxjerr armët dhe i kanë drejtuar kundrejt njëra-tjetrës.

Presidentja e Kosovës Vjosa Osmani, është përballur me një situatë të paprecedentë në Aeroportin e Shkupit.

Bekim Kupina, Këshilltar për Media në presidencë, tha për Gazetën Express  se sigurimi i Aeroportit të Shkupit ka tentuar t’ia marrë telefonin personal presidentes, gjë të cilën nuk e ka lejuar Osmani.

“Ne kundërshtim me praktikat ndërkombëtare dhe Konventën e Vjenës për Marrëdhënie Diplomatike, sigurimi i Aeroportit të Shkupit ka tentuar ta marrë telefonin personal të Presidentes. Presidentja nuk ka lejuar një gjë të tillë, sepse do të ishte shkelje e rëndë. Përkundër shpjegimit të rregullave qe ekipi i Presidentes ia ka bërë të ditur zyrtarit të aeroportit, ai ka tentuar fizikisht ta shtyjë Presidenten me ç’rast është detyruar që të reagojë Policia e Kosovës për ta hapur rrugën”, tha Kupina për Gazetën Express.