Hoti: 1 mijë shtëpi pa ujë në Milot! Bashkia ka lënë banorët në mëshirë të fatit

DEKLARATË E DEPUTETES SË QARKUT LEZHË, ELDA HOTI

Miloti, prej ditësh po përballet me mungesen e ujit te pijshem.

Prej muajsh rreth 1 mijë familje kanë patur probleme me furnizimin  e ujit e pijshëm.

tubacionet janë të shkatërruara deri në atë masë sa uji i pijshëm derdhet rrugëve, siç e shihni në pamje.

Pavarësisht ankesave, Bashkia nuk merr asnje mase. Interesi i qytetareve eshte i fundit.

Por Bashkia nuk nguron në asnjë moment t’u marrë paratë qytetarëve, por shërbime nuk kryen.

E gjithë kjo situatë ka ardhur si pasojë e mungesës së investimeve në ujësjellës e cila sjell automatikisht ndotjen e burimeve dhe kjo ndikon në cilësinë e ujit duke rrezikuar seriozisht shëndetin e banorëve nga sëmundjet.

Duhet shtuar fakti se kjo është një zonë e varfër e cila e ka të pamundur blerjen e ujit të pijshëm për të plotësuar nevojat e përditshme familjare.

Eshtë alarmante të besosh se asnjë investim i Ujësjellës Kanalizimeve nuk është bërë prej vitesh në këtë zonë dhe banoret perballen me mungesen e ujit te pijshem, ndërsa faturimet vazhdojnë qetësisht.

I bëj thirrje autoriteteve përgjegjëse, në cilësinë e deputetet së zonës, të merren masa urgjente për furnizimin me ujë të banorëve.

Kurbini nuk duhet më të jetë me i nëpërkëmbur.

Ftoj banorët të reagojnë për të mbrojtur të drejtën e tyre.

Partia Demokratike do të jetë në krah tuajin.

Gjithashtu u bëj thirrje banorëve të kurbinit mirdites dhe lezhes të jenë të pranishëm në protestën kombëtare më 7 tetor përpara Kryeministrisë.