Gazeta RD
Duke rishpërndarë postimin e saj nga takimi me Edi Ramën, gazetari shkruan se Rama është një autokrat që preferohet nga Brukseli.
“Autokrati i dytë më i preferuar i Bashkimit Europian në Ballkan,” shkruan Vogel.
Komentuesit ndërkohë ‘sqarojnë’ se autokrati i parë më i preferuar i BE-së është Aleksandar Vuçiç.
Në fakt, ka shumë prej komentuesve që thonë se Rama duhej të ishte i pari në listë.
Edhe pse raportet e rëndësishme ndërkombëtare, përfshi ato që dalin nga Uashingtoni zyrtar, thonë se Shqipëria ka njohur vetëm përkeqësim sa i përket korrupsionit, krimit të organizuar dhe sundimit të ligjit, Ursula von der Leyen foli me superlativa për Edi Ramën, të cilin e quan ‘miku im’ në postimin e saj.
Komentuesit në reagimin e Vogel thonë se Rama po godet në mënyrë të pamëshirshme opozitën.
Ish-eurodeputetja Doris Pack shkruan për bashkëkombasen e saj gjermane, Ursula von der Leyen: “Është një turp! Ajo nuk dëshiron të shohë realitetin. Më vjen turp për të”.
