Gazeta RD
Lajmi për ankorimin e anijes me mbetje toksike po bën xhiron e botës.
Gazeta amerikane ‘Washington Post’ shkruan se kontejnerët me mbetje toksike do të dërgohen në Porto Romano.
Sipas kësaj gazete, në kontejnerë ndodhen 2100 ton mbetje toksike të rrezikshme.
Prania e këtyre mbetjeve të rrezikshme u sinjalizua nga BAN, një organizatë qeveritare me qendër në SHBA.
Gazeta shkruan se opozita shqiptare e akuzon Ramën për trafik mbetjesh të rrezikshme.
“Opozita shqiptare akuzoi qeverinë në gusht për pjesëmarrje në trafikimin e paligjshëm të materialeve të rrezikshme. Kryeministri Edi Rama tha në parlament në shtator se dokumentet e dërgesës janë verifikuar dhe se oksidi i hekurit “nuk konsiderohet si mbetje toksike në katalogët europianë mbi të cilët bazohet procedura mjedisore dhe doganore e vendit tonë”.
BAN u ka bërë thirrje autoriteteve që të kenë një hapje publike dhe marrjen e mostrave të kontejnerëve për të siguruar transparencë,” shkruan gazeta.
