Gazeta RD
Prej 12 vitesh në pushtet, Edi Rama nuk i ka rritur kurrë pensionet për mbi 700-mijë pensionistë shqiptarë, të cilët kanë pensionet më të ulta në rajon.
Pensionistët shqiptarë janë më të varfërit në rajon. Pensionet e tyre nuk u mjaftojnë as për ushqime, as për ilaçe dhe as për të patur një jetë dinjitoze.
Gjatë fjalës së tij në Parlament, Edi Rama ka lajmëruar se pënsionistëve do t’u japë nga 150 euro dhe 100 euro për pensionist në fund vit dhe një bonus tjetër në pranverë.
Pra, sipas Edi Ramës, pensionistët në Shqipëri duhet të ushqehen dhe të marrin ilaçe vetëm dy muaj në vit. Në dhjetor dhe në maj.
Propaganda e Ramës dhe mediave të tij do të bëjë të vetën, por pensionistët nuk mashtrohen më me shpeblime tallëse, që në fakt janë blerje e pastër e votës së pensionistëve me paratë e gjithë shqiptarëve.
Në një çartje propagandistike të dalë boje, Edi Rama, hapi sot seancën plenare mes frikës se propaganda e tij nuk po ngjit më dhe kurajos për të shpalosur sy e faqe gjithë shqiptarëve blerjen e votave të pensinostëve në mes të Parlamentit.
Edi Rama ka 12 vite në pushtet dhe nuk ua rriti kurrë pensionet shqiptarëve, por nuk është kursyer duke vjedhur për familjen e tij bilogjike dhe politike miliarda euro, me të dhëna nga KLSH, të shqiptarëve.
