Gazeta RD
Lideri i opozitës, Sali Berisha përmes një video të shpërndarë në rrjetet sociale, tregon se si kabinetit të qeverisë Rama nuk u bën përshtypje ajo se çfarë ndodh në vendin tonë, kur sapo ishte qëlluar për vdekje një 14-vjeçar me thikë në zemër nga bashkëmoshatari I tij, duke lënë të plagosur dhe dy fëmijë të tjerë.
Në video shihet qartë se si ministrja e Arsimit, Ogerta Manastirliu, e cila ka përgjegjësinë jo vetëm ligjore por edhe morale për të garantuar sigurinë në shkollë dhe mbarëvajtjen normale të mësimit, ‘gajaset’ me homologet e tjera të kabinetit, kur ngjarja me vrasjen e adoleshentit ishte ende e freskët si ndodhi.
Momenti i ‘hareshëm’ mes ministreve është filmuar nga kamerat në seancën maratonë të diskutimeve për buxhetin e 2025, teksa mbante fjalën e tij ligjvënësi demokrat Asllan Dogjani, me fokus madje sigurinë në shkolla dhe mbajtjen e një minutë heshtjeje, pas ngjarjes së rëndë me vrasjen e 14-vjeçarit me thikë pranë ambienteve të mësim nxënies.
Bashkangjitur videos ‘gazmore’ të treshes së ministreve, Berisha shkruan se ministreve ‘nuk ua ndjen për asgjë, përveç që të vjedhin’.
