Noka: Banditët e pushtetit janë të tmerruar nga mosbindja civile e opozitës!

Sekretari i Përgjithshëm i PD, Flamur Noka tha sot se nuk do të ndalet fryma e revoltës dhe mosbindjes civile.

“Banditët e pushtetit janë të tmerruar nga mosbindja civile e opozitës.

Rruga e vetme që nipi i Spiro Kolekës bashkë me nipin e Enver Hoxhës kanë gjetur është që të bëjnë presion dhe të intervenojnë me dhunë.

Ta harrojnë.

Nuk ndalet fryma e revoltës dhe mosbindjes civile e popullit shqiptar.

Do bëjnë ata përpjekjet e tyre, por populli do i japë atë që meritojnë.

Fundi i diktatorëve dihet. Këtë fund do kenë.

Nuk mbahet kurrë pushteti me dhunë.

I ati shpirtëror i Edi Ramës, Enver Hoxha dhe Rramiz Alia u përpoqën ta mbajnë me dhunë.

Kurrë një popull nuk mbahet me dhunë.

Këta mendojnë se shqiptarët mund t’i sundojnë dhe jo t’i qeverisin.

Ta harrojnë!” tha Noka.