Boçi: Ngaqë “e do shumë” Shkodrën Rama i jep si dhuratë të Vitit të Ri tarifa uji marramendëse

Drejtuesi politik i PD për Qarkun e Shkodrës, Luçiano Boçi ka denoncuar rritjen e faturave të ujit të pijshëm, në bashkitë e këtij qarku.

Përmes një postimi në rrjetet sociale nga ku ka ngritur dhe shqetësimin, Boçi shkruan se Rama, e ka rritur çmimin e ujiot për familjarët dhe bizneset, si një dhuratë për Vitin e Ri.

Teksa thotë se Rama  në çdo fushatë, premton zgjidhjen e problemit të ujit, megjithë miliardat e që i tret në ujin e xhepave të pangopësisë së vet, faturat ia ngop qytetarëve.

Reagimi

NGAQË “E DO SHUMË” SHKODRËN RAMA I JEP SI DHURATË TË VITIT TË RI TARIFA UJI MARRAMENDËSE

Rama çdo fushatë premton zgjidhjen e problemit të ujit.

Pasi nuk e zgjidh për të disatën herë, megjithë miliardat e që i tret në ujin e xhepave të pangopësisë së vet, faturat ia ngop qytetarëve.

Ndërmarrjet e ujësjellsave janë sot më deficitaret.

Me humbje marramendëse.

Sepse aty është abuzuar pa fund me fonde dhe me punësime, duke i kthyer në burim parash dhe votash plot me patronazhistë.

Për të qenë më i sigurtë Rama, ky lubi lekësh, i mori vetë në drejtim prej tre vitesh dhe tani bën ç’të dojë.

Nuk harron madje të dëshmojë dhe këtu “dashurinë” e tij të madhe për Veriun e në veçanti për Shkodrën.

Me VKM e botuar dje në Fletoren Zyrtare “PËR MIRATIMIN E TARIFAVE TË SHËRBIMIT TË FURNIZIMIT ME UJË DHE LARGIMIT TË UJËRAVE TË NDOTURA PËR SHOQËRINË RAJONALE UJËSJELLËS-KANALIZIME SHKODËR SHA”,

Rama rrit tarifat tërësisht jashtë çdo logjike e konsultimi publik për këtë qark.

As vendimin kundër të Këshillit Bashkiak, nuk e përfilli, në rastin kur ka ndodhur në bashkitë e qarkut.

Kjo është një goditje fatale për ekonominë e jetën e qytetarëve pasi Shkodra faktohet si ndër qarqet më të varfra e me shpopullimin më të madh.

Përkatësisht:

[⛔️] Në Shkodër:

Fatura mujore për familjarët rritet me 84%.

Fatura mujore për biznesin rritet me 96%.

[⛔️] Në Malësi të Madhe:

Fatura mujore për familjarët rritet me 20%.

Fatura mujore për biznesin rritet me 49%.

[⛔️] Në Vau Dejës:

Fatura mujore për familjarët rritet me 108%.

Fatura mujore për biznesin rritet me 47%.

[⛔️] Në Pukë:

Fatura mujore për familjarët rritet me 82%.

Fatura mujore për biznesin rritet me 80%.

[⛔️] Në Fushë Arrëz:

Fatura mujore për familjarët rritet me 845%.

Fatura mujore për biznesin rritet me 344%.

p.s

Për pensionistët Rama ka një porosi: Ata të kursejnë sa më shumë ujë si në pirje, ashtu dhe në larje, me qëllim që t’i teprojë ndonjë lek nga bonusi i fundvitit!