Gazeta RD
Donald Trump ka folur për luftën në Ukrainë nga klubi i tij Mar-a-Lago në Palm Beach, Florida.
Trump tha se do të bisedonte me Vladimir Putin dhe Volodymyr Zelensky për t’i dhënë fund luftës në Ukrainë, duke theksuar se ishte i shqetësuar nga imazhet e masakrës nga konflikti.
“Duhet të bëj një marrëveshje”, tha Trump.
Ai nuk dha një përgjigje të drejtpërdrejtë kur u pyet nëse besonte se Ukraina duhet t’i dorëzonte territorin Rusisë, si pjesë e një zgjidhjeje të negociuar për luftën gati tre-vjeçare.
“Dua të them, ka qytete që nuk ka një ndërtesë të padëmtuar, është një vend rrënimi”, tha ai.
“Njerëzit po vdesin në nivele që askush nuk i ka parë ndonjëherë” në mes të luftës midis Ukrainës dhe Rusisë”, tha Trump.
Ai pretendoi se do të duhen “100 vjet për të rindërtuar” qytetet e Ukrainës.
“Ky është një rindërtim 100-vjeçar dhe nuk mund ta kesh kurrë ashtu siç ishte. Nëse unë do të isha president ajo luftë nuk do të kishte ndodhur”, tha për fund.
