Gazeta RD
Prindërit dhe nxënësit kanë paralajmëruar protestën e radhës për vrasjen e nxënësit Martin Cani. Protesta do të zhvillohet të shtunën më 18 janar.
Ndërkohë që bëhet e ditur se detajet për organizimin dhe oraret kur të vendosen do bëhen publike.
Martini u qëllua me thikë nga bashkëmoshatarët e tij në shkollën Fan Noli në kryeqytet, dhe humbi jetën.
Kjo nuk është protesta e parë që po zhvillohet. Janë zhvilluar edhe organizime të tjera qytetare ku është kërkuar përgjegjësia e institucioneve shtetërore dhe dorëheqja e ministres e arsimit.
Pjesë e këtyre protestave kanë qenë dhe prindërit e Martin Canit, 14-vjeçarit që humbi jetën, ku kanë shprehur dhimbjen e madhe që i ka kapluar nga kjo tragjedi.
