Spahia: Trashëgimia e Sabah Bizit në futboll do të mbetet frymëzim për brezat e rinj

Shkodra dhe Shqipëria kanë humbur një yll të sportit shqiptar, mjeshtrin e madh Sabah Bizi. Në një postim, ku shprehu homazhet e tij, Bardh Spahia, anëtar i kryesisë së PD-së, e përshkroi atë si një ikonë të sportit kombëtar, që dhuroi krenari me talentin dhe përkushtimin e tij në fushë.

Sipas Spahisë, trashëgimia e Bizit do të mbetet një frymëzim për brezat e rinj dhe një shembull i asaj që mund të arrihet me punë dhe dashuri për vendin.

Postimi

Shkodra dhe Shqipëria humbi një yll të sportit shqiptar, mjeshtrin Sabah Bizi. Ai ishte një ikonë e sportit tonë kombëtar, një emër që na dhuroi krenari me talentin dhe përkushtimin e tij në fushë.

Trashëgimia e tij në futboll do të mbetet frymëzim për brezat e rinj dhe një shembull i shkëlqyer i asaj që mund të arrihet me punë, disiplinë dhe dashuri për vendin.

Ngushëllimet e mia më të sinqerta familjes Bizi, Nefizes, Brikenos, Brinesës, miqve dhe komunitetit sportiv shqiptar. Pushofsh në paqe legjenda Bizi!