Putin: Nuk do të kishte luftë në Ukrainë nëse Trumpit nuk do t’i vidhej fitorja e do ishte President

Presidenti rus Vladimir Putin sugjeroi se lufta në shkallë të gjerë në Ukrainë mund të mos kishte ndodhur nëse Donald Trump do të ishte president në vitin 2022. Në një intervistë me korrespondentin e Rossiya TV, Pavel Zarubin, Putin komentoi thirrjet e fundit të Trump për negociata për t’i dhënë fund konfliktit.

“Rusia nuk ka refuzuar kurrë kontaktin me administratën amerikane. Nuk ishte faji ynë që administrata e mëparshme refuzoi ato kontakte. Unë kam pasur gjithmonë marrëdhënie profesionale, por pragmatike dhe, do të thosha, me besim me presidentin aktual të SHBA-së”, tha Putin. “Dhe nuk mund të mos pajtohem me [Trump] kur ai thotë se nëse do të kishte qenë president, nëse fitorja e tij në 2020 nuk do të ishte vjedhur, ndoshta kriza në Ukrainë që filloi në 2022 nuk do të kishte ndodhur.”