Presidenti i Shteteve të Bashkuara, Donald Trump, do të nënshkruajë sot tre urdhra ekzekutivë që kanë për synim reformimin e strukturës së forcave të armatosura. Një nga dispozitat është ajo që parashikon ndalimin e personave transgjinorë që shërbejnë në ushtri, eliminimin e diversitetit, barazisë dhe përfshirjes.
Po ashtu pritet rikthimi në detyrë me kompensim i ushtarëve të pushuar nga puna për shkak të refuzimit të vaksinimit kundër Covid-19, njofton CNN, duke cituar dy zyrtarë të Shtëpisë së Bardhë.
Megjithatë, sipas një prej dy burimeve të cituara nga CNN, urdhri që pritet të nënshkruajë sot Trump shkon më tej dhe vendos ndër të tjera standarde të reja për përdorimin e përemrave gjinorë. Urdhri argumenton se përjashtimi i personave transgjinorë nga ushtria imponohet nga kërkesat e gatishmërisë mendore dhe fizike që kërkohen nga personeli i forcave të armatosura.