Gazeta RD
Beqir SINA, New York
Ambasadoria Yuri Kim e pakualifikuar dhe diplomate e dështuar…..ndihmoi Edi Ramën në “zhbërjen” e opizitës në Shqipëri
“Shtetet e Bashkuara nuk kanë nevojë për diplomatët që dështojnë dy herë, nuk duhet të kenë një mundësi të tretë në vijën e parë të politikës amerikane”
Në blogun “19fortyfive.com” në Facebook,Twitter, dhe LinkedIn, analisti amerikan Michael Rubin, ka publikuar disa konkluzione mbi diplomacinë amerikane që ai i konsideron si “Pikat kyçe “
Rubin thotë se ka mësuar nga burimet e tij në Washington për disa prej enërimeve politike të ambasadorëve të rinj që priten të caktohen nga Sekretari i Shtetit, Marko Rubio.
Rubin, thotë se po “rikonfigurohet” grupi i ambasadorëve që do të zënë vendet “bosh-incumbent” në disa shtete, që ende nuk kanë marrë emrimet e reja nga Departamentii i Shetit në mandatin e dytë i Donald Trump.
Zgjedhjet për ambasadorë nga kjo administratë po përballen me një shqyrtim të “rreptë” veçanërisht ata që janë për ambasadorë që kanë rolet kryesore në Azi, përfshirë Yuri Kimin.
Ai shkruan se nga burimet e informacionit në Washington, ambasadorja Yuri Kim, është kritikuar për trajtimin e krizave në Nagorno-Karabakh dhe situatën në Shqipëri, gjatë mandatit të saj .
Kritika sipas analistit amerikan kanë ngritur shqetësime të forta mbi synimet e saj që të emërohet si ambasadore e SHBA-së në Filipine.
Mirëpo, ajo që është e sigurtë nga burime nga Washingtoni, është se ambasadoria Yuri Kim, e ka “humbur” postin e “Principal Deputy Assistant Secretary of State for Europe and Eurasian Affairs”. Post, ky, që ajo mbante nga Blinken.
Tani ajo është pjesë e rreth 200.000 punojësve prej më shumë se dy milionë punëtorëve që qeveria federale ka “pushuar” nga puna, dhe po presin çdo bëhet me ta.
Yuri Kim ashtu si dhe Gabriel Esckobar, ( i cili mori në dhjetor 2024 emërimin si ambasador në Paraguaj) , ngaqë nuk janë të kualifikuar si diplomat në “gradat” e larta , e kishin mëse të qartë “fatin” e tyre, në administratën e re, edhe nëqoftëse fitonte Harris, por, edhe më të qartë e kanë tani, siç janë shprehur vetë ata në qarqe të ngushta për administratën e dyté të Trumpit.
Gjithmonë, sipas ekspertéve diplomatikë bëhet e ditur se oficerët e lartë të Shërbimit të Jashtëm të Karrierës shpesh ankohen se vendet e tyre i marrin të emëruarit politikë që vijnë në çdo administratë si ambasadorë të pakualifikuar, kredenciali i vetëm i të cilëve është mbledhja e parave prej tyre për Departamentin e Shtetit.
Gjithmonë, sipas ekspertëve amerikan të çështjeve politike, thuhet se në çdo administratë, Departamenti i Shtetit përballet me një burokraci të “vjetëruar”: “Ndërsa, disa ambasadorë shkëlqejnë disa të tjerë dështojnë, dhe shumica e tyre janë mediokër”, thonë ekspertët amerikanë.
Problemi brenda Departamentit të Shtetit, sipas tyre është se interesat dhe proceset burokratike shpesh tejkalojnë njohjen reale të pikave të forta dhe të dobëta të një kandidati për ambasador ose për nën/sekretar a asistent i Departamentit të Shtetit.
Rezultati, thonë ekspertët është tendenca e shumë diplomatëve të dështuar e të pakualifikuar pra medioker që Departamenti i Shtetit i “përzgjedh” për ti vendosur në poste të tjera mbasi ata lobojnë me para që të mund të emërohen ambasadorë, por ata janë personi i gabuar në diplomaci.
Mjerisht, zërat brenda Departamentit të Shtetit thotë Miachel Rubin, sugjerojnë se një nga ambasadorët e administratës Trump 1, nga më të dobëtat dhe më të pasuksesshëm (mediokre) që synonte të marrë titullin ambasador i SHBA-së në Manila, si një çmim ngushëllues pasi nuk fitoi miratimin për të qenë Asistent Sekretare e Shtetit për Çështjet Evropiane ose për të marrë postin për ambasador të SHBA në Turqi, është Yuri Kim.
Ish- ambasadorja e SHBA, në Tiranë, Yuri Kim është një gabim që Trump duhet ta shmangë kësaj radhe. Gjithmonë sipas blogut “19fortyfive.com” në Facebook,Twitter dhe LinkedIn, thuhet se Yuri Kim, u bë “famëkeqe” kur, më 14 shtator 2023, ajo u përball me pyetje të ashpra në lidhje me politikën e Departamentit të Shtetit ndaj Nagorno-Karabakut.
Ajo ishte pasive gjatë bllokadës së paligjshme dhjetë mujore të Azerbajxhanit, të rajonit të populluar armen. Ajo tha atëhere; “Ne nuk do të tolerojmë asnjë veprim ushtarak. Ne nuk do të tolerojmë asnjë sulm ndaj popullit të Nagorno-Karabakut. Kjo është shumë e qartë,” i tha ajo Komisionit të Senatit për Marrëdhëniet me Jashtë. Por, pesë ditë më vonë, forcat e Azerbajxhanit pushtuan Nagorno-Karabakun dhe spastruan etnikisht popullsinë e saj të krishterë armene 1700-vjeçare.
Larg nga “mos tolerimi”, Kim dhe kolegët e saj nuk bënë asgjë, duke dështuar edhe në pasojat për të etiketuar atë që ndodhi “spastrim etnik”. Pra, duke preferuar në vend të kësaj të flisnin për “shpopullim” me zërin pasiv, shkruan blogu “19fortyfive.com” në Facebook,Twitter dhe LinkedIn.
Yuri Kim, po ashtu është “vetëlavdëruar” në Departamentin e Shtetit, për gjoja përvojën e saj të suksesshme si ambasadore në Shqipëri.
Shqiptarët, dihet se janë pro-amerikanë dhe e konsiderojnë dhe e marrin me shumë përgjegjësi apo seriozitet çdo “udhëzim” apo deklaratë të ambasadorit amerikan në Shqipëri, sidomos krahasuar me shumë ambasadorë të vendeve të tjera evropiane. Jo gjithçka ka qenë e mirë në demokracinë shqiptare.
Mjafton që e ka thënë ose e thotë ambasadori amerikan në Shqipëri, dhe ka “mbaruar” gjithçka në Tiranë. Sipas blogut “19fortyfive.com” në Facebook,Twitter dhe LinkedIn, analisti amerikan Michael Rubin, mendon se Kryeministri Edi Rama, duke pasur edhë “përkrahjen” e Kim, ish ambasadores amerikane ka ndjekur rrugën populiste të ndjekur nga Recep Tayyip Erdoğan në Turqi, për të “zhbërë”demokracinë shqiptare.
Ashtu si Erdogani, thotë ai, kryeministri Rama, ka synuar gjatë këtyre tre mandatevev që të përçajë së pari PD, si forcën më të madhe opozitare dhe të eleminojë partitë e vogla opozitare, duke kërkuar në këtë mënyrë të përdorë pushtetin politik për përfitime personale, dhe fitimin e zgjedhjeve tre herë.
Ishte në këtë kontekst dhe për shkak të dëshirës së tij që ai burgosi Fredi Belerin, një javë mbasi ishte zgjedhur kryebashkiak i një prej qyteteve më piktoreske të Rivierës, Himarës, vetëm e vetëm se ai e humbi Himarën në ato zgjedheje. Ndërsa, Kim, që ishte ambasadore e SHBA, në Tiranë, e minimizoi incidentin, sipas analistëve amerikan ngaqë ajo nuk ka dashur të prishë marrëdhënien e saj personale me Ramën.
Vendimi i Kim për të injoruar dhe lejuar skemat korruptive të Ramës, gjatë mandatit të saj në Tiranë 2019/2023, u shndërrua edhe në një krizë diplomatike midis Shqipërisë dhe Greqisë, që prishi integrimin dhe bashkëpunimin ballkanik, ndërsa ajo (Kim) nuk foli fare sepse ajo e “mbylli” gojën ngaqë shpërtheu kriza e Ukrainës, dhe Rama mjeshtërisht si me Afganistanin ishte i pari që i “shpëtoi” amerikanët.
Fakti që Kim pa ikur nga Tirana, po lobonte hapur në Departamentin e Shtetit për postin e ambasadorit në Turqi, thotë Rubin, në të njëjtën kohë që po “pajtohej” dhe e “mbylli”gojën” me heshtjen e saj të skemave korruptive, të Ramës, pati edhe një mosmarrëveshje të hapur me Greqinë me çështjen Beleri, e cila për Kim ishte e pahijshme në rastin më të mirë, thotë ai.
Si konkluzion, Shtetet e Bashkuara nuk kanë nevojë për një tjetër Glaspie, as nevojë për diplomatët që dështojnë dy herë dhe nuk duhet të kenë një mundësi të tretë në vijën e parë të politikës amerikane, thotë analisti Michael Rubin në blogun etij “19fortyfive.com” në Facebook,Twitter dhe LinkedIn.
