Berisha: Hasani do të hetohet njësoj si Blinken në SHBA!

Kryetari i PD, Sali Berisha, deklaroi në Kuvend se ministri i Jashtëm shqiptar do të hetohet njësoj si ish-homologu i tij amerikan, Antoni Blinken.

“Ku shkoi ky Igli që firmosi me Blinken protokollin e censurës. Ai ishte protokolli i censurës Damian. Tek Blinken do të shkojë edhe ky.

Prandaj ia hoqi Rama fotografitë. Fotografitë t’ia heqë Rama, por ai do përfundojë para drejtësisë amerikane. Ky do përfundojë para drejtësisë amerikane dhe shqiptare. Po, po Damian.

Bashkë me atë, ministrin e jashtëm. Erdhi në vizitë dhe na firmosi të ngremë komisionin Braçe, komisionin e censurës”, tha Berisha.