Gazeta RD
Drejtuesi politik i PD-së për Tiranën, Belind Këlliçi, u ka bërë thirrje të rinjve që të bashkohen në protestën që do të zhvillohet sot në orën 19:00 para Kryeministrisë kundër mbylljes së “TikTok”-ut.
Këlliçi thekson se rinia është kundër censurës dhe do të protestojë për të drejtën e fjalës dhe kundër instrumentalizimit të tragjedive shoqërore për qëllime politike.
“Rinia kundër censurës!
Sot, 15 mars, në orën 19:00, në bulevardin Dëshmorët e Kombit, rinia shqiptare proteston për të drejtën e fjalës, kundër censurës në rrjete sociale, kundër instrumentalizimit të tragjedive shoqërore për qëllime politike.
Kjo protestë është e të gjithëve, ashtu si fjala e lirë është e të gjithëve.
Prandaj lajmërojini të gjithë!
Shihemi në shesh!”, shkruan Këlliçi.
