Gazeta RD
Pas publikimeve në disa media pranë qeverisë se djali i xhaxhait t ëish-Kryebashkiakut socialist të Kavajës do të kandidojë për opozitën në zgjedhjket e 11 majit, Rama i ka vërsulur SPAK-un, Roshit.
Prokuroria e Posaçme kërkon ekspertizë financiare për pasuritë e ish-kryebashkiakut të Kavajës Elvis Roshi.
Burime pranë SPAK bëjnë me dije se kërkimet e akuzës ndaj Roshit janë orientuar drejt dyshimeve për fshehje të pasurisë dhe mos justifikim të saj.
Hetimet pasurore ndaj ish-kryebashkiakut lidhen jo vetëm me shpenzimet por edhe investimet e kryera ndër vite. Llogaritë me SPAK Roshit ju hapën nga një vendim i gjykatës së posaçme e cila refuzoi pushimin hetimeve të prokurorisë së Durrësit mbi kallëzimin e KLSH që gjeti shkelje në tenderat nga ish-kryebashkiaku i Kavajës.
E ndërsa ish kryebashkiakë të tjerë janë nën hetim për fshehje pasurie, pak ditë më parë se nuk deklaroi një apartament u dënua edhe ish kryetari i bashkisë së Himarës Jorgo Goro. Për një tjetër, Fatos Tushen që drejtoi bashkinë e Lushnjës akuza e fshehjes së pasurisë u ngrit mbasi u dënua për tenderat.
Nga krijimi në vitin 2019 deri më tani SPAK i ka dorëzuar gjykatës 17 ish-kryetarë bashkish apo kryebashkiakë duke i akuzuar, 15 prej tyre për çështje korrupsioni dhe vetëm dy prej tyre për vepra të tjera.
