Gazeta RD
Autoriteti i qeverisë ka rënë përtokë vetëm pak javë para zgjedhjeve të 11 majit. Një nga ligjet simbol të kësaj qeverie të miratuara që në ditët e para të saj është simbol i rënioes së qeverisë. Sot ligji anti-duhan nuk respektohet më jo vetëm nga lokalet jashtë Tiranës, por edhe në lokalet pranë qendrës së Tiranës.
Deri pak muaj më parë pronrartë e lokaleve në Tiranë ishin më të kujdesshëm me lejimin e duhanit në ambjentet e brendshme, por sot është thuajse legale pirja e duhanit në këto ambjente. Askush nuk do t’ia dijë më për këtë qeveri, e cila ka humbur çdo autoritet tek qytetarët.
Ligji anti-duhan nisi të zbatohej në gusht të vitit 2014 ku jo vetëm qytetarët por edhe pronarët e lokaleve, kamerierët u ndërgjegjësuan dhe nuk lejonin konsumimin e duhanit në ambientet ku shërbenin.
Në ato rast ku konstatohen shkelje ligji e përcakton se ndëshkohet me gjobë jo vetëm administratori i subjektit por edhe qytetari që konsumon. Kjo vlen edhe për institucionet publike,madje pati edhe gjoba ndaj administratorëve të tyre.
Në 2019 u bënë ndryshime të tjera në ligj ku përcaktohet se në asnjë ambient të rrethuar qofte me xham apo plastmas nuk lejohet konsumi i duhanit pasi konsiderohet ambient i mbyllur nëse më shumë 50 % e hapësirës është e rrethuar apo e mbuluar.
Ndërgjegjësimi por edhe ndëshkimi me gjobë i shkelësve bëri që ligji të zbatohej në mënyrë rigoroze për disa vite.
