Gazeta RD
Gjatë takimit me demokratët e njësisë 9 dhe banorët e Bregut të Lumit në Tiranë, kryetari i PD, Sali Berisha theksoi se, ndërsa Edi Rama pi 33 mijë euro verë dhe fluturon me avion taksi, ndërsa për pensionistët ka lënë vetëm 16 milionë euro.
“Shihni pak. Merrni djegësin e Tiranës. Djegësi i Tiranës, janë 130 mln euro dhe nuk ekziston asnjë tullë e vendosur.
Si u zhdukën ato?
Ajo që unë e quaj me të drejtë Lubi Balluku, se soji i saj nuk ka ekzistuar ndonjëherë në këtë vend, ajo kishte detyrë të mbikëqyrte e punimet e atij djegësi. Të mbikëqyrte çdo muaj.
Ju, me taksat tuaja në ministrinë e saj paguani 3 vetë, vetëm për ta mbikëqyre. Po ajo e dinte, se ato para që zhdukeshin shkonin në kontot e Edi Ramës. Dhe ajo e qepte gojën, nuk bëzante.
Nga 2016, sot është 2025-sa. Aty nuk ekziston as nam, as nishan. Po sa janë ato?
Ato janë 130 mln euro. Ato janë 812 mijë pensione mesatare.
Po Beketi?
Edi Rama nga intoleranca e tij ndaj kritikave, e mori investitorin dhe e përzuri se kishte televizionin Agon. E mbylli televizionin për të treguar që unë jam këtu zot, pavarësisht se ka ligje, po unë jam zot i këtij vendi dhe vendos unë, pavarësisht nga ligjet.
Çfarë ndodhi?
Bëri të fortin me sipërmarrësin. Sipërmarrësi në gjyq ndërkombëtar dhe Shqipëria paguan për të fortin Edi Rama 110 milionë euro.
Qindra e mijëra pensione të tjera.
Ky vend, që ka njerëz të cilët numërojnë kafshatën. Ky vend, që ka të sëmurë që nuk i jepen ilaçet.
A e morët vesh ju?
Mjekët e Onkologjikut kanë njoftuar se për kaq kohë nuk do ketë ilaçe.
Po nuk ka krim më të shëmtuar, nuk ka gjë më të dhimbshme. Ata janë heronj të vërtetë. Ua them unë, ata janë njerëz heronj që përballen me një armik të egër dhe i le ata pa armë. Zotëria e dëgjon. E dëgjon dhe e di. Mirëpo, para i vjedh vet me të tjerët dhe thotë: krim kundër njerëzimit po kryhet aty.
Po në qoftë se kryhet krim kundër njerëzimit, kush po e kryen atë krim? Ti po e kryen atë krim që nuk çon menjëherë ilaçet.
Pra, bën sikur nuk ekzistojnë të sëmurët, pensionistët. Merr avionin. Tha: vetëm ne dhe Kosova nuk kemi avionë. Gënjeshtra!
Austria mund të jetë një ndër 10-15 vendet më të pasura në botë. Kancelari njëlloj si qytetaret me linja tregtare. Çfarë e gjeti atë? Do udhëtosh ti, do udhëtosh me avion të zakonshëm.
Ka shpenzuar 21 milionë euro.
700 mijë pensionistëve, iu la 16 milionë euro për t’ua ndryshuar në 1 vit. Mund të rreshtoj shumë të tjera.
Ulet ministrja në darkë, porosit lubia biftekun 1 mijë euro. Ju nuk e dini, por gjyshit të saj, Enver Hoxha ia nxori prej hundësh kecin.
Pse ulet kjo në këtë formë?
Sepse ajo sheh shefin e vet që hap shishe vere 33 mijë euro. Hap shishe vere sa 200 pensione.
Natyrisht!
Shkon në ndeshje sporti me 28 mijë euro bileta.
Këto ua thoni ju miqve tuaj kur t’ju pyesin, po ku do i gjejë lekët ky? Unë ju jap fjalën dhe ju garantoj ju, që jo do të gjenden këto lekë për dyfishimin e rrogave pensioneve dhe paketën e dhembshurisë, por do të ndërtohet në këtë vend infrastrukturë, 3-4 herë më shumë se sa është ndërtuar nga këta”, u shpreh Berisha.
