Gazeta RD
Kreu i PD-së Sali Berisha tha sot në Malësi të Madhe se kryeministri Edi Rama është sëmurur nga salmonela, por e ka fshehur ngjarjen.
Sipas Berishës, Rama ka gënjyer mjekët duke iu thënë se e ka nga breshkat që mban në shtëpi. Kreu i PD theksoi se i ka shkuar salmonela nga deputetët e tij si fileto pule.
“I garantoj fermerët se do subvencionojmë çdo njesi prodhimi. Do subvencionojmë çdo fidan të mbjellur, çdo kokë bagëti. Po, po. Taksa asimetrike, taksa diskriminuese për fermerët merr fund. Do të jetë simetrike, dhe do të ejtë fermeri ai që do të përfitojë nga taksa, jo përpunuesi, i cili në këtë sistem të sotëm nuk ka leversi të blejë prodhimet e fermerit shqiptar dhe merr ato të importit. Jo! Do vendoset tvsh-ja ashtu si në shitje, ashtu edhe në blerje. Këtu, siguria ushqimore është pasiguria më e madhe. Mandarinat. Njëherë tjetër dalin të tjera. Njëherë tjetër shpërndahet salmonelë, e cila arrin gjer në Surrel. Ekzakt, po ua them ju këtu, nuk e kam thënë tjetërkund. Sëmuret dhe ai vet, del gënjen mjekun dhe i thotë: u sëmura se kam breshka në shtëpi. U sëmur nga salmonela që erdhi me pulat. Erdhi nga deputetët e tij, erdhi nga deputetët e tij salmonela. Mishi i infektuar. Nuk ka asnjë siguri, dhe kur shkoi në spital tha: e kam se mbaj breshka, ma dha breshka salmonelën. Çfarë breshke? Fileto pule! I gënjente mjekët. Ndaj dhe, siguria ushqimore do të jetë çështje e sigurisë kombëtare. Po si mund të hyjnë në Shqipëri insekticide kancerogjene që janë ndaluar në Europë? Dhe ky tund pasaportën europiane. Jo, jo, thotë. Pasaportën europiane me pesticide salmonela”, deklaroi Berisha.
