Alizoti në Elbasan: Dinjiteti i të moshuarve duhet të jetë prioritet kombëtar

Drejtuesi politik i PD në Elbasan, Tomorr Alizoti, bashkë me kandidatë për deputetë të këtij qarku kanë zhvilluar një takim me pensionistët e Elbasanit.

Alizoti shkruan në një postim në Facebook se, në këtë takim u ndanë shqetësimet dhe vështirësitë e përditshme të këtyre të moshuarve, të cilët ndihen të braktisur nga një sistem që nuk ua njeh hallet.

Mesazhi

Dita e sotme ishte e veçantë, sepse iu kushtua pensionistëve.

Në këtë takim u ndanë shqetësimet dhe vështirësitë e përditshme të këtyre të moshuarve, të cilët ndihen të braktisur nga një sistem që nuk ua njeh hallet.

Pensionet nuk u mjaftojnë as për ilaçe e jo më për të përballuar muajin. Të moshuar që jetojnë të vetmuar, me mallin për fëmijët e larguar jashtë vendit, në kërkim të një jete më të mirë.

Ky takim tregoi edhe një herë se kriza nuk njeh moshë dhe se dinjiteti i të moshuarve duhet të jetë prioritet kombëtar.

Partia Demokratike premton t’i vendosë pensionistët në qendër të politikave të saj:

– Rritje me 20% të pensioneve

– Pension minimal prej 20,000 lekësh të reja

Sepse bashkë mund t’ia dalim!