Gazeta RD
Drejtuesi politik i qarkut të Elbasanit, Tomor Alizoti, mbajti një fjalim të fortë nga Peqin në takimin electoral të koalicionit PD – ASHM. Duke akuzuar qeverinë fshehje dhe lidhje me grupe kriminale, Alizoti tha se Rama ka frikë të përballet në debat me liderin e PD-së Sali Berisha. Madje ka frikë të përballet dhe me vetë atë, se ‘ka frikë se e ha të gjallë’ tha ai me ironi.
Alizoti tha se, frikën më të madhe në Shqipëri e ka çuni i Kristaqit, është fshehur pas monologëve dhe nuk përballet me askënd.
Ai ironizoi edhe Taulant Ballën, dhe u bëri thirrje qytetarëve e intelektualëve për reflektim mbi realitetin në vend, duke përmendur emigracionin masiv, viktimat e pafajshme nga atentatet dhe përhapjen e krimit në qytete si Elbasani, të cilin qeveria Rama e ktheu në “qytetin e narkos”.
“Në fjalimin e fundit janë mërzitur shumë grupe kriminale dhe shumë ata që duhej të mërziteshin. Sepse regjimet jetojnë me frikë, e demokratët sot e kanë thyer frikën. Frikën më të madhe në Shqipëri e ka çuni i Kristaqit, që ka fshehur të gjithë drejtuesit e qarqeve që nuk bëjnë asnjë debat televiziv.
Është fshehur dhe vetë duke bërë monolog me mikrofon me veten, para pasqyrës se ka frikë të përballet. Ja ku e ka doktorin, kryetarin e partisë. Le të dalë në debat. Po deshi të dalë me mua se unë dua ta haj të gjallë. Megjithëse ai nuk hahet. Atë mund ta hajë ky i Elbasanit, mister bifteku po t’i hedhë pak kripën e Nusretit që hëngri në Dubai.
Na ishte mërzitur dhe një nga “intelektualët” më të mëdhenj të përmasave botërore, Taulant Balla. Ishte shqetësuar dhe ai për nivelin e bisedës. Tani e kuptoni sa qesharakë dhe frikacakë janë. Sepse kanë një armatë si Kinostudio dikur. Ne jemi bio. Jemi të djathtë në shpirt. E duam përballjen.
Edhe ju që dilni e merrni votat për çunin e Kristaqit duhet të dini një gjë. Ai e ka në genetikë. Ai ha shokët e vet. Do t’iu hajë dhe juve. Keni vënë re që ka dhe një lloj xhelozie, mes dashurisë së meje dhe doktorit kur thashë: Hajde doktor se të kanë frikë. Doktor të kanë frikë!
Çuni i Kristaqit mos bëj monolog. Hajde përballu, mos u mbështet tek bandat, por tek njerëzit. Dhe ju qytetarë e intelektualë të nderuar që keni mendimet tuaja duhet të shqetësoheni për më shumë se gjysmën e shqiptarëve që është rrugëve të botës.
Duhet të shqetësoheni se në atentatin e Shkodrës vdiq një nënë e pafajshme. Që sot në qarqet e Shqipërisë nuk ka njerëz që banojnë.
Të shqetësoheni për Shqipërinë e cila po kthehet në ç’bërjen e saj.
Të shqetësoheni për vërtetën e madhe. Ju qytetarët e Elbasanit duhet të shqetësoheni që qyteti është kthyer në qytetin e Narkos. Të shqetësoheni nga bandat kriminale.
Të shqetësoheni nga banalizimi i shoqërisë e jo nga njerëzit e drejtë, të ndershëm e emocionalë.
Fitore dhe vetëm fitore!, përfundoi fjalën e tij Alizoti.
