Berisha thirrje qytetarëve: Votoni për të ardhmen e fëmijëve tuaj në këtë vend!

Kryetari i PD, Sali Berisha, i shoqëruar nga bashkëshortja e tij, zonja Liri Berisha, djali Shkëlzen Berisha dhe Armina Mevlani kanë votuar tek Shkolla ‘Kosova’.

Gjatë një prononcimi të shkurtër për median, kryedemokrati ka bërë thirrje që qytetarët të dalin e të votojnë.

Deklarata e kryetarit të PD, Sali Berisha

Së pari një thirrje zemre për çdo qytetar shqiptar, sot të votojnë, të votojnë, të votojnë për veten e tyre, për fëmijët e tyre, për pensionet dhe rrogat e tyre, për punën, punësimin, biznesin, fermën e tyre.

Të votojnë për të ardhmen e fëmijëve të tyre në këtë vend.

Të votojnë!

Unë, meqë më pyet, çdo njeri që takova, unë takova njerëz të gëzuar, të sigurt në votën e tyre.

Pra, do të kemi një ditë të dytë vere.

Do të kemi një ditë të dytë vere!

Ndaj dhe njëherë thirrja ime, votoni, votoni, votoni!