Gazeta RD
Me një qëndrim të qartë refuzues të masakrës elektorale dhe me një gjuhë diplomatike, OSBE/ODIHR ka delegjitimuar farsën elektorake të 11 majit.
Kreu i misionit të vëzhgimit të zgjedhjeve të 11 majit tw OSBE/ODIHR, Ambasadori Lamberto Zannier tha se procesi elektoral u zhvillua në kushte të pabarabarta mes mazhorancës dhe opozitës. Kjo ishte kryefjala e misionit të vëzhguesve që u deklarua nga të gjithë të pranishmit.
Po ashtu të gjithë drejtuesit e misionit nënvizuan kërcënimet dhe blerjen e votave, presionin ndaj administratës dhe keqpërdorimin e burimeve shtetërore.
Ai tha qeveria shpalosi programe madhore si dhe fali gjobat pak ditë para ditës së votimeve.
“Një rol i rëndësishëm i vëzhguesve afatgjatë është edhe ndërveprimi me popullatën lokale. Ne kemi dëgjuar vazhdimisht shqetësime për presione nga nëpunës të administratës publike, përdorim të burimeve shtetërore që u pa edhe nga monitoruesit në shumë raste ku u shpallën programe të mëdha edhe një ditë para zgjedhjeve apo falja e gjobave. Këto praktika i dhanë një avantazh të padrejtë partisë në pushtet duke çuar në kushte të pabarabarta garimi”, tha ai.
