Gazeta RD
Përmes një reagimi në rrjetet sociale, ku pasqyron edhe këto të dhëna, Xama shkruan se është e pamundur që një administratë të zgjerohet, kur popullsia në vendin tonë është në rënie.
Madje gazetarja Ola Xama ngre dyshime dhe mbi reformën administrativo-territoriale, e cila sipas saj, kishte si qëllim kryesor, uljen e kostove të personelit në pushtetin vendor
Reagimi
Këto të dhëna janë gjeneruar nga INSTAT dhe tregojnë numrin e të punësuarve në sektorin publik ku përfshihet administrata qëndrore, vendore, institucionet e pavarura dhe ndërmarrjet shtetërore.
Në vitin 2004 numri i të punësuarve në administratë ka qënë 176 mijë dhe është ulur më pas në 163 mijë e 900 në gjatë viteve 2006-2013.
Nga viti 2013 deri në prill 2024 numri i të punësuarve në sektorin publik ka shkuar në 184 mijë. Rritja është me 20 mijë më shumë ose 12.2%.
Si ka mundësi që administrata zgjerohet kur popullsia është në rënie, shërbimet publike janë orientuar drejt platformave online dhe reforma administrativo-territoriale kishte si qëllim kryesor uljen e kostove të personelit në pushtetin vendor?
