Gazeta RD
Opinioni publik është njohur me ngjarjen e helmimit të fëmijëve në Gramsh. Një ngjarje shumë e rëndë dhe që në një shtet normal duhej të kishin kërcitur prangat për përgjegjësit e atyre që rrezikuan jetën e fëmijëve.
Por duket se edhe hetimi i nisur do të marrë krejt një rrjedhe tjetër. Të mësuar tashmë që bandat e rilindjes në polici dhe prokurori i koordinojnë aq mirë punët sa që nuk është për t’u habitur që të dalin fajtorë në gjykatë fëmijët që hëngrën supën e gatuar me mishin e prishur.
Kush do ta hetojë çështjen? Prokurori i ngarkuar me zbardhjen e të vërtetës së helmimit të fëmijëve në Gramsh është vëllai i kryetarit të bashkisë. Që këtu pikëpyetjet shtohen.
Kreu i bashkisë së Gramshit, Besion Ajazi
Besion Ajazi, kreu i bashkisë së Gramshit dhe vëllai i Kreshnik Ajazit kryeprokuror në qarkun e Elbasanit ka folur në lidhje me infektimin me salmonelë të fëmijëve në kopshtin publik numër 1 të Gramshit. Sipas tij, bëhet bëhet fjalë për disa raste të izoluara, ku disa fëmijë janë paraqitur në spital me simptoma të dyshimta, ndërsa deri më tani nuk ka asnjë konfirmim për helmim masiv apo për shkaqet e sakta të gjendjes së tyre shëndetësore, pasi analizat ende nuk kanë përfunduar.
Qe nga deklarimet e kreut të bashkisë që është përgjegjës direkt për kopshtet dhe çerdhet del se ata duan të fshehin të vërtetën e kësaj ngjarje të rëndë. Në fillim mashtrojnë publikun e pastaj vijon procedura e mbylljes së çështjes me veglat e sistemit të drejtësisë.
