Gazeta RD
Juristi i PD në KQZ, Marash Logu ka denoncuar anëtarin e Komisionit të Ankimeve dhe Sanksioneve, Ilirian Rusmalin, se është në konflikt interesi, pasi është në të njëjtën kohë edhe vartës i Presidentit të Republikës, Bajram Begajt.
‘Nuk mund të jesh edhe vartës i Bajram Begajt, edhe anëtar i Komisionit të Ankimeve dhe Sanksioneve – organit që supozohet të bëjë drejtësi zgjedhore. E para, sepse nuk e lejon Kodi Zgjedhor dhe e dyta, sepse je në konflikt interesi’, shkruan Logu në Facebook.
Nuk mund të jesh edhe vartës i Bajram Begajt, edhe anëtar i Komisionit të Ankimeve dhe Sanksioneve – organit që supozohet të bëjë drejtësi zgjedhore. E para, sepse nuk e lejon Kodi Zgjedhor dhe e dyta, sepse je në konflikt interesi. Prandaj, paralajmërova sot kërkesën për përjashtim të këtij noteri recidivist të farsave elektorale të Edi Ramës nga shqyrtimi i ankesave zgjedhore të Partisë Demokratike.
