Gazeta RD
Deputetja e PD, Joroida Tabaku ka reaguar ne seancën e kuvendit duke hedhur akuza ndaj mazhorancës për mos interesim të tyre për të diskutuar çështjet e integrimit.
Tabaku gjatë fjalës së saj dhe debatit që kishte me kryetaren e kuvendit Elisa Spiropali tha se, në komisionin e çështjeve Evropiane ne Kuvend në nuk bëjmë dot kuorum.
“Deputetët e mazhorancës nuk vijnë në mbledhje dhe po ju bëj ju thirrje si kryetare e Parlamentit që të merrni në dorë grupin e Partisë Socialiste. Të ulen, të vijnë dhe të miratojnë se ka agjendë parlamenti. Sot zonja kryetare në kishim në rend të ditës për të diskutuar raportin e Këshillit Kombëtar të Integrimit që është gati atje. Ju nuk e futet në rendin e ditës për të diskutuar. Sot ne në rendin e ditës mund të kishim diskutuar për raportin e parlamentit Evropian i cili kaloi ne komisionin e jashtëm, i cili nuk është futur përsëri në rendin e ditës.
Unë e kuptoj që GP i PS nuk do të jetë këtu në shtator po ky nuk është halli i jonë, ky është halli juaj. Parlamenti ka nevojë të ketë një debat për diskutimet në Parlamentin evropian, për raportin mbi zgjedhjet, për raportin e OSBE – ODIHR. Sepse fjala integrim në fund të ditës është standarde. Dhe fillon nga standardet e zgjedhjeve. Kështu që më vjen keq që edhe ato ligje dhe raporte që janë gati ju nuk u vendosni në rendin e ditës. Grupi parlamentar i PD ka propozuar më shumë se 60 iniciativa dhe asnjë nuk po diskutohen. Unë e kuptoj se ka një mungesë vullneti politik edhe për të çuar përpara integrimin”, tha Tabaku.
