A i ka blerë mafia e betonit shefat e policisë?

Trafiku në Tiranë është në kthyer në makth për banorët e kryeqytetit.

Kryeministri Edi Rama propagandon nga mëngjesi deri në darkë se ka kryer investime në infrastrukturë për të lehtësuar trafikun, por realiteti është krejt i kundërt pasi qytetarët shpenzojnë orë të tëra për të përshkruar një distancë të shkurtër në Tiranën kaotike.

Kryeqyteti i Shqipërisë vitet e fundit ka si “peizazh” betonieret dhe kullat të cilat dalin si “kërpudhat pas shiut” me miliona euro që investohen në treg nga mafia dhe krimi të cilët marrin bekimin e qeveritarëve por edhe të policisë e cila mbyll sytë para korrupsionit të oligarkëve.

Së fundmi në redaksinë e “Boldnews.al” ka mbërritur një video shqetësuese ku shihet teksa betonierja qarkullon lirshëm në mes të ditës në Bulevardin Dëshmorët e Kombit në Tiranë, madje parakalon përballë disa institucioneve të rëndësishme.

Pra në këtë “paradë” mes për mes kryeqytetit Europian të rinisë dhe sportit betonieret e oligarkëve shpesh përballen me automjete policie. Këto të fundit në vend të kontrollit dhe ndëshkimit i mbyllin të dy sytë para betoniereve të oligarkëve.

Por qytetaret i masakrojnë me gjoba edhe në rrugicat e lagjes. Më të dalluarit për gjoba maksimale ndaj qytetarëve janë policet e shefit të komisariatit nr.1 Robet Losha.

Sipas vendimeve të Bashkisë së Tiranës, betonieret nuk lejohet të qarkullojnë brenda territorit të Unazës së Vogël nga ora 08:00 deri në orën 20:00, ndërsa tani gjatë sezonit turistik nuk lejohen fare gjatë kësaj fashe orari për të shmangur trafikun. Gjithsesi, kur merret “urdhër nga lart” atëherë betonieret i bëjnë “karshillëk” ligjit madje lëvizin në mes të qendrës, kurse policia masakron me gjoba qytetarët./ Boldnews.al