Gazeta RD
Kryetari i Partisë Demokratike, Sali Berisha ka komentuar vendimin e fundit të ShBA për të shtyrë edhe me një vit gjendjen e emergjencës për Ballkanin Perëndimor.
Berisha tha në konferencën me gazetarët se, Trump e shpalli Ballkanin një zonë të rrezikshme për shkak të Ramaduros dhe karteleve të tij.
“Ramaduro! Ramaduro!
Çfarë komenti tjetër do?
Tre ditë para, kryeministri i Shqipërisë, nga media kryesore numër një e SHBA dhe e botës, u damkos Ramaduro.
E kupton vetë!
Tjetër, tre javë më parë, një zyrtar i lartë i Departamentit të Drejtësisë solli këtu mesazhin e Ministrisë së Drejtësisë së SHBA me të cilin kërkon që Shqipëria të merret me kartelet e saj të drogës.
Po për kë bien këto kambana?
A është folur ndonjëherë për kartele droge në Shqipëri? Nuk është folur kurrë.
A është cilësuar ndonjëherë Edi Rama si Ramaduro? Unë e kam cilësuar Noriega, por njerëzit e kanë harruar Noriegën tani. As 3 përqind e njerëzve nuk e dinë se ç’është Noriega.
Kështu që mund të them se epiteti im nuk ngjiti.
Ramaduro në vend, e kapi, e shpalli media numër një e botës.
Pra, si të mos e shpallë atë presidenti Trump, Ballkanin një zonë të rrezikshme.
Kjo është arsyeja.
Kartelet po, Ramaduro po, janë të gjitha së bashku”, tha Berisha.
