Gazeta RD
Jamarbër Malltezi akuzon SPAK se është nën urdhrat e Edi Ramës dhe se procesi i njohur si dosja ‘Partizani’ është bërë bazuar në këto urdhra, si hakmarrje politike ndaj liderit të PD-së
Malltezi tha se gjatë procesit gjyqësor do të kërkojë të thirren në GJKKO dhe vetë kryeministri Edi Rama dhe Taulant Balla i cili ka bërë kallëzim të rremë dhe për këtë duhej të ishte në burg.
“….Edi Ramën e kemi kërkuar të jetë pjesë, dhe do vazhdojmë ta kërkojmë. Patjetër që do jetë edhe Taulanti, pasi ka bërë kallëzim të rremë, dhe këta nuk e marrin guximin ta hetojnë.
Në burg është Salianji që s’ka bërë fare kallëzim përpara prokurorisë, ndërkohë Taulant Balla ka bërë kallëzim të rremë dhe këta nuk guxojnë. Ju të gjithë e dini se prej një viti e gjysmë Balla duhet të ishte arrestuar, por akoma jep urdhër Rama dhe nuk bëhet asgjë pa urdhrin e Sulltanit”.
Sot, në Gjykatën e Posaçme nis procesi gjyqësor politik ndaj kryetarit të Partisë Demokratike Sali Berisha dhe dhëndrit të tij, Jamarbër Malltezi, për dosjen “Partizani”.
