SOS për shqiptarët!

Nga Iva V.GRILLO

Duke parë historikun e sjelljes politike dhe jo vetëm të Kryeministrit, mundësia më e madhe është që drafti represiv, antidemokratik dhe antihuman i Kodit Penal të aprovohet… ndoshta me disa arnime e “përmirësime” që nuk do t’a ndryshojnë thelbin dhe frymën (duhmën) e qartë me të cilën është hartuar ky draft.

Ky është një nga rastet e fundit që opozita, individë, media, intelektualë, shoqëria civile, qytetarë të thjeshtë që e ndiejnë veten me të drejtë të rrezikuar, të bëhen bashkë për ta refuzuar me forcë çimentimin e një regjimi sa represiv aq dhe butaforik.

Më pas do të jetë tragjikisht vonë!

Ndërsa shqiptarët jashtë atdheut, sipas mundësisë, I ftoj të japin ndihmesën e tyre jo duke iu bërë garniturë manovrave të radhës së një autokrati, por duke vënë alarmin kryesisht në mediat ndërkombëtare.

Përsa i përket teknokratëve dhe burokratëve të BE në Bruksel dhe përfaqësuesve të tyre në Tiranë, ata janë pjesë e problemit, duke injoruar me dashje prej vitesh çdo thirrje të qytetarëve shqiptarë për ndihmë.

Shqiptarët janë humbësit e mëdhenj në këtë mes…

Ky kod represiv dhe me pasoja të rënda për lirinë e pronën e çdokujt, është një nga mundësitë e fundit për të zgjuar qytetarët nga letargjia…

Opozita duhet të jetë në lartësinë e duhur!

Qyterarët duhet të jenë në pozicionin e duhur për të mbrojtur veten.

Dy duar për një kokë janë…