Berisha: Shqipëria në zjarr në të katër anët, fatkeqësisht ka edhe humbje jete!

Kryetari i PD, Sali Berisha ka reaguar në lidhje me situatën e rëndë të zjarreve që kanë përfshirë vendin.

Në një shënim në faqen e tij në Facebook, Berisha shkruan se, Shqipëria është në flakë në të katër anët e saj, ku fatkeqësisht ka pasur dhe humbje jete.

Postimi

Shqipëria në zjarre në të katërta anët e saj!

Miq nga Saranda në Tropojë mbi 60 vatra zjarresh dhe flakësh të fuqishme që po djegin qindra e mijëra hektar kullota, pyje, ullishte, pemëtore, por dhe kanë rrethuar fshatra dhe lagje të banuara, kanë marrë jetë dhe kanë plagosur me djegie të shkallëve të ndryshme dhjetëra qytetarë.