Gazeta RD
Kreetarii Partisë Demokratike, Sali Berisha tha nw konferencwn pwr shtyp se, Partia Demokratike disponon të dhëna të detajuara mbi shkeljet dhe manipulimet në zgjedhjet e fundit, jo vetëm në qarkun e Fierit, por edhe në qarqe të tjera të vendit.
Ai tha se, rasti i Rajonit Nr. 2 në Fier është ilustrues për modelin e përdorur në gjithë vendin, ku strukturat shtetërore janë transformuar në mekanizma elektoralë në shërbim të pushtetit.
“Faleminderit për pyetjen.
Së pari, këto janë vetëm par qarkun e Fierit, por ne disponojmë edhe për qarqe tjera. Natyrisht, analiza është jashtëzakonisht teknike, sepse kërkon shumë verifikime. Por ne, zgjodhëm, pikërisht, rajonin numër 2 të qarkut të Fierit, ku modelet janë të njëjta kudo, për të paraqitur para jush se si të gjitha agjencitë janë transformuar në institucione elektorale dhe punonjësit e tyre në operatorë elektoralë.
Padyshim që, ne i kemi paraqitur online, jemi në lidhje të vazhdueshme me të gjitha institucionet ndërkombëtare që merren me zgjedhjet. Ne përfundojmë këto ditë Librin e Zi të këtyre zgjedhjeve, të kësaj farse, të cilën ne do e depozitojmë në të gjitha kancelaritë dhe institucionet ndërkombëtare të BE-së dhe NATO-s.
Është dashur një punë shumë, shumë voluminoze. Janë me mijëra e mijëra fakte, dhe ne jemi përpjekur të paraqesim përfaqësuesit këtu, se unë mund të rrija 1-2 muaj duke paraqitur qendra votimi, ku votojnë komisionerët dhe nuk votojnë qytetarët, ku votohet me dy fletë, e me radhë të gjitha këto. Por ne, kemi zgjedhur më përfaqësuese në mënyrë që, të argumentojmë këtë farsë të shëmtuar elektorale”, tha Berisha.
