Gazeta RD
Qarku i Fierit, i konsideruar si bastion historik i së majtës, tejkaloi edhe pritshmëritë më të mëdha të Partisë Socialiste, e cila mori 12 nga 16 mandatet e qarkut, duke e zbritur opozitën në minimumin e saj historik.
Por çfarë fshihet pas këtij rezultati të PS në tërësi dhe të Fierit në veçanti? Kësaj pyetje, duket që i ka dhënë përgjigje opozita.
Kryetari i PD-së, Sali Berisha, ka publikuar një raport të detajuar, i cili sipas tij ekspozon një “rrjet kriminal elektoral” të patronazhimit të votës në Fier.
Ai theksoi se në Fier nuk janë përdorur patronazhistët e Partisë Socialiste për orientimin e votës, por skema është më e thellë.
Sipas tij, 430 punonjës të administratës publike janë përdorur nga Partia Socialiste për të orientuar votën drejt saj duke shkelur me të dyja këmbët ligjin.
Në këtë skemë, nëpunës shtetërorë nga institucione si spitali rajonal, OSHEE, tatimet, ujësjellësi, posta, shkollat, qendrat shëndetësore dhe burgjet, kanë grumbulluar dhe raportuar të dhëna personale dhe politike për qytetarët dhe kolegët e tyre, përfshirë preferencat elektorale dhe qendrat e votimit.
Në qarkun e Fierit, drejtuese politike e Partisë Socialiste ishte Belinda Balluku dhe për opozitën ajo është “truri” i skemës së patronazhimit të votës duke përdorur administratën për qëllime elektorale.
Partia Demoktratike e cilësoi këtë një “sistem intimidimi dhe presioni ndaj votuesve” dhe kërkoi hetim për këtë që e quajti shkelje të rëndë të ligjit dhe të drejtave të qytetarëve.
Kujtojmë se Ceno Klosi dhe Klevis Jahaj janë dy ish-drejtorët e Belinda Ballukut, të cilët dolën më të votuarit në qarkun e Fierit dhe arritën të marrin mandatin e deputetit.
Por procesi i rinumërimit tregoi qartë se cili ishte i preferuarve i numëruesve dhe vetë partisë.
Nga rinumërimi, Ceno Klosi doli se kishte marrë 831 vota pa meritë në numërimin e parë, ndërkohë që Klevis Jahajt i ishin hequr pa të drejtë 497 vota.
Pra, në numërimin e votave, Ceno Klosi është trajtuar si i nënës, ndërsa Klevis Jahaj si i njerkës, pavarësisht se arriti të zgjidhej deputet.
Emrat e punonjësve sipas institucioneve:
Posta
Nga 9 punonjës të rajonit nr 2, 6 janë anëtarësuar në PS
Ujësjellës Kanalizime Fier
Nga Ujësjellës Kanalizime Fier për 33 punonjës janë dhënë nr i ID, bindja politike, numri i telefonit, qendra e votimit dhe pozicioni në punë. 6 janë të anëtarësuar në PS
IEVP Fier
Në IEVP e Fierit 39 punonjësit janë pa përjashtim 100% të PS-së.
DPSHTR – Drejtoria e Përgjithshme e Shërbimeve të Transportit Rrugor
Në drejtorinë e Përgjithshme e Shërbimeve të Transportit Rrugor në varësi direkte të Belinda Ballukut janë 6 punonjës në rajonin 2 dhe 3.
Për secilin puninjës janë dhënë numri i celularit, data e emërimit në punë. Është shënuar qendra e votimit su dhe afilacioni politik, pra janë anëtarë apo jo të PS-së. Nga 6 të punësuar anëtarë të PS-së janë 3.
DRSSH – Drejtoria Rajonale e Shërbimeve Sociale dhe Shëndetësore
Nga 10 punonjës në rajonin nr 2. Nga 1 që është i anëtarësuar pothuajse të gjithë të tjerët votojnë për PS.
FSDKSH – Fondi i Sigurimit të Detyrueshëm të Kujdesit Shëndetësor
Janë shënuar emrat e 5 punonjësve në rajonin nr 2 .Secili ka shënuar dhe qendrën e votimit.
FSHU – Furnizuesi i Shërbimit Universal (nen OSSHE) në varësi direkte të Belinda Ballukut
Janë 6 punonjës në rajonin 2. Për secilin punonjës janë të dhënat personale dhe qendra e votimit. Nga 6 të punësuar 3 janë anëtarë të PS-së.
OSSH Fier
Në OSSH Fier nga 15 punonjës në rajonin 2, 7 janë anëtarë të PS-së. Për secilin nga emrat janë dhënë të dhënat personale, pozicioni i punës dhe qendra e votimit.
Në spitalin rajonal të Fierit
50 punonjës në rajonin 2. Për secilin punonjës janë dhënë emër, atësi, mbiemër pozicion pune dhe qendra e votimit. Për secilin është dhënë nëse është anëtar i PS-së si dhe për kë voton.
Nga 50 punonjës 31 janë anëtarë të PS-së,pra afro 62 %. Votojnë PS-në 33 punonjës (66 %).
Tension i lartë OSSH në varësi të Ballukut
3 punonjës në rajonin e dytë. Nga këta 2 janë anëtarë të PS-së, por votojnë të 3 PS.
Tatime Fier
Nga tatimet fier janë ish vartësit e Ceno Klosit. 4 punonjës në rajonin 2, 2 janë anëtarë të PS-së, një është PD/PS.
Duke pasur parasysh drejtoritë që ata punojnë këta persona mund të jenë përdorur gjatë fushatës së Belindës dhe Cenos në mënyrë që të intimidojnë biznese/qytetarë e të kërkojnë votat për PS-në përkundrejt lehtësive apo gjobvënieve.
ARM – Agjencia Rajonale e Mjedisit, Fier
Dy punonjës të rajonit 2. Të dy me PS-në.
Nga Shërbimi i Provës
Një punonjës me PS-në.
ISSH
1 punonjës në rajonin 2, votues i PS-së.
Drejtoria Rajonale e Shërbimit Social Shtetëror Fier
Dy punonjëse, të dyja anëtare të PS-së.
DREJTORIA RAJONALE E AGJENCISE KOMBETARE TE PUNESIMIT DHE AFTESIVE (DRAKPA FIER)
Nga DRAKPA FIER 2 punonjës në Rajonin 2. Të dyja votues të PS-së.
NJVKSH – Njësia e Kujdesit Vendor të Kujdesit Shëndetësor, Fier
Nga 21 punonjës në rajonin 2. Për të gjithë jepen pozicionet e punës. Në kolonën e fundit kontrollohet sjellja. Nga 21 punonjës, 18 kanë sjellje të mirë, pa janë mbështetës të PS-së.
Nga qendrat shëndetësore janë evidentuar 126 punonjës në rajonin 2
Për secilin janë dhënë informacion i detajuar, emër, mbiemër, pozicion pune. Numri i kartës së identitetit, qendra e votimit
Sjellja – 80 % kanë sjellje të mirë (mbështesin PS-së).
Duke pasur parasysh sa të rëndësishme janë qendrat shëndetësore për cdo familje mjekët e familjes apo infermierët është kriminale politizimi dhe kontrolli dhe intimidimi i personelit të këtyre QSH për tu angazhuar në fushatë për PS-në.
ASHK – Agjencia shtetërore e Kadastës
Nga ASHK janë evidentuar 7 punonjës në rajonin 2. Për secilin punonjës janë dhënë informacion i detajuar, emër, atësi, mbiemër pozicion pune, QV dhe numri i celularit.
Bindja politike – 5 nga 7 janë të PS-së.
Drejtoria e Ujit të Kullimit
Nga UKF janë evidentuar 16 punonjës në rajonin 2.
Për secilin punonjës janë dhënë informacion të detajuar, emër, atësi, mbiemër, pozicion pune, qendra e votimit. Bindja politike nuk është plotësuar.
Institucioni i Albpetrol
Nga ASHK janë evidentuar 23 punonjës në rajonin 2. Për secilin punonjës janë dhënë informacion i detajuar, emër, atësi, mbiemër, numri i celularit, e QV.
