Gazeta RD
Kryetari i PD, Sali Berisha komentoi ngjarjen e rëndë të shpërthimit me tritol në banesën e deputetit Xhelal Mziu.
Gjatë një konference për media, Berisha u shpreh se, policia është thellësisht dhe tmerrësisht e politizuar dhe se besimi se ajo mund të zbardhë krimin politik është një iluzion.
“Keni parasysh se policia është thellësisht dhe tmerrësisht e politizuar. Po u rikujtoj këtu, i nderuar zotëri, dhe qytetarëve se kohë më parë, kur unë paraqita para jush rastin e zyrës elektorale sekrete të PS në qendrën e votimit në Pekisht, në të cilën u gjetën fletë votimi, paund, lekë, karta identiteti, u gjet i gjithë dokumentacioni, polici, i cili bëri detyrën dhe mori në procedim pronarin e barit, u ndëshkua nga Proda i krimit.
U ndëshkua!
Unë nuk mund të them se çdo segment i policisë është i infiltruar nga krimi, por të besosh se do e zbardhë, do e pranojë të zbardhin krimin politik policia, është një iluzion”, tha Berisha.
