Gazeta RD
Njeriu që qëndron në krye të Presidencës ka dëshmuar sot se ai është thjesht një zar i Ramës dhe jo një President i shqiptarëve duke shkelur hapur Kushtetutën.
Bajram Begaj ka shkelur sërish Kushtetutën për interes të kryeministrit Edi Rama, duke dekretuar datën e zgjedhjeve të pjesshme në ‘9 nëntor’ në të gjashta bashkitë e vendit, të cilat kanë ngelur pa kryetar, duke përfshirë edhe Bashkinë Tiranë.
Edhe pse ish-kryetari Erion Veliaj e ka kundërshtuar në Gjykatën Kushtetuese shkarkimin e tij nga Këshilli i Ministrave, ku sipas Kushtetutës duhet pritur të shprehet gjykata mbi këtë vendim, presidenti Begaj nuk i ka marrë në konsideratë ligjet e vendit, duke dekretuar zgjedhje antikushtetuese për interes të Edi Ramës.
