Disa të vërteta nga fjala e mohuar në Parlament për barazinë gjinore

Nga Luçiano BOÇI

(pjesë e shkëputur)

…Mos keni iluzione:

Ky projektligj nuk është një mjet për barazi, nuk e mbron gruan.

Heq shanset e mundësitë barabarta për të, duke sulmuar e fshirë totalisht thelbin natyral të saj.

Ai devijon nga standardet evropiane, cënon e nuk respekton direktivat e BE që përdoren këtu për të mashtruar.

BE-ja nuk ka standarde që relativizojnë konceptin binar të gjinisë në këtë mënyrë siç e bën ky ligj.

Kjo përbën një “devijim”, jo harmonizim me standartet e BE.

Ky projektligj është sulm frontal ndaj familjes, dashurisë, martesës, birit dhe bijës, nënës e babait, motrës e vëllait.

Atyre vlerave që na bashkojnë, na emocionojnë, na motivojnë të luftojmë për zhvillim e progres.

Ky ligj është denatyrim i qenies, identitetit dhe thelbit të konstitucionit tonë shpirtëror e kombëtar.

Ridefinon GJININË përtej Zotit e biologjisë, si rol social e hap derën për identitete të pafundme.

Bie ndesh me Kodin e Familjes dhe nenin 53 të Kushtetutës e ligjin për mbrojtjen nga diskriminimi.

Krijon pasiguri juridike.

Degradon vlerat.

Krijon censurë e vret lirinë e shprehjes në media e arsim.

Instalon burokraci monstruoze e barrë financiare tërësisht idiote.

“Identitete të majta parlamentare” sepse Zonja e Zotërinj nuk e meritoni më sipas këtij ligjit tuaj!

Që të mos shkoni nesër kokëulur para fëmijëve tuaj votojeni kundër!

Bëjeni për hir të tyre dhe së ardhmes!