Gazeta RD
Edi Rama ka pranuar ditën e sotme se do të jetë kryebashkiaku “de facto” i Bashkisë së Tiranës.
Gjatë takimit me socialistët sot në njësinë numër 5 në Tiranë i shoqëruar edhe nga Ogerta Manastirliu, Rama u shpreh se Tirana sipas tij ka nevojë për kryebashkiakun por duke qënë se Veliaj ndodhet në qeli do të jetë vetë Rama që do të ‘kujdeset’ për kryeqytetin.
“Qyteti duhet të pastrohet, të funksionojë normalisht shërbimet normalisht. Buxheti të vendoset në funksion normalisht. Po e mbështesim bashkinë që të bëjë më të mirën për buxhetin dhe për këtë arsye menduam me Ogertën si drejtuesja politike e qarkut por edhe si deputete e Tiranës që të vazhdojmë të komunikojmë në këto dëgjesa”,- u shpreh Rama.
Kjo deklaratë e Ramës vjen pak kohë pas Gjykata Kushtetuese riktheu në detyrë Veliajn po me urdhër të vetë Ramës.
Gjyqtarët nuk bënë asgjë tjetër, veçse pranuan “shkeljen e syrit” nga Rama, i cili nuk kishte ndërmend të bënte zgjedhje në Tiranë. Ata vendosën të mbanin në detyrë Veliajn, që kryebashkiak “de facto” të jetë Rama.
