Gazeta RD
Ish-drejtori i burgjeve, Agim Ismaili është marrë zyrtarisht person nën hetim për tentativën e hakërimit të SPAK.
Paraditen e sotme ish-kreu i burgjeve u thirr për herë të dytë në Prokurorinë e Posaçme. Agim Ismaili mbërriti i vetëm në organin e akuzës, ndërsa nuk bëri asnjë koment për mediat.
SPAK mori informacion në datën 12 mars 2025 se ishte vënë në shënjestër të një ndërhyrje të paligjshme të adresave të email-eve të prokurorëve të posaçëm. Sipas tyre, falë masave të sigurisë, nuk u arrit të ndërhyhej në sistemin e brendshëm të Strukturës së Posaçme kundër Korrupsionit dhe Krimit të Organizuar (SPAK), i cili mbeti i pacënuar.
