Gazeta RD
Kreu i PR, Fatmir Mediu, ka kërkuar në Kuvend që të respektohen Kushtetuta dhe procedurat në lidhje me votimin për projektligjin “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.
Ai tha se nëse nuk respektohet Kushtetuta dhe procedura nuk dihet nëse do të ketë më Parlament.
“Të respektojmë Kushtetutën. Kjo është një çështje që tejkalon dëshirën tonë. Po vazhduam kështu nuk e dimë a do të kemi më Parlament apo jo.
Ne për çështje të sigurisë jemi të gjithë dakord për Bordin e Paqes, por nuk biem dakord për të mos respektuar Kushtetutën dhe procedurat. Se kështu do të vijë një ditë që ju do të vini dhe do të propozoni Edi Ramën me mandatin e Begajt për t’u bërë mbret i këtij vendi dhe pastaj do ta aprovoni mbreti u çmend dhe pastaj do të dalim të gjithë të themi ‘rroftë mbreti’. A ka mundësi të zbatoni Kushtetutën”, tha Mediu.
