Rama konfirmon Grushtin e Shetit/ “Do ndryshoj ligjin për të mos lejuar hetimin e ministrave”

Rama nuk do të lejojë arrestimin e Ballukut duke sfiduar hapur drejtësinë dhe duke i shkuar deri në fund “Grushtit të Shtetit”.

Ashtu siç e kishte paralajmëruar, kryeministri Edi Rama tha se ditën e hënë së bashku me Taulant Ballën dhe Ulsi Manjën do të prezantojnë nismën për ndryshimet ligjore që synojnë mbrojtjen e ministrave nga masa e pezullimit nga detyra. Kjo lëvizje e qeverisë vjen pas vendimit të Gjykatës Kushtetuese që la në fuqi vendimin e GJKKO për pezullimin e Belinda Ballukut nga detyra.

“Të hënën në cilësinë e deputetit, unë si deputet, së bashku me kryetarin e grupit Taulant Balla dhe kryetarit të komisionit të ligjeve, Ulsi Manja do të depozitojmë nismën për të adresuar boshllëkun. Nisma do t’i paraqitet grupit parlamentar, ditën e hënë në mëngjes dhe do jetë transparente për opinionin publik, pasi do të bëhet me prani të medias”, tha Rama në podkastin  “Flasim”.