Berisha takon minatorët protestues: Askush nuk bën atë që bëjnë këta! PD ju garanton mbështetje të plotë

Kryetari i PD, Sali Berisha ka zhvilluar një takim të shkurtër me minatorët që vijojnë të protestojnë para Parlamentit.

Në një postim në faqen e tij në Facebook, Berisha ka shpjeguar edhe bisedën që ka zhvilluar më minatorët.

“Takimi me minatorët protestues ditën e sotme, ku pata një bashkëbisedim të shkurtër për të njohur nga afër edhe me shqetësimet e tyre.

U garantova se Partia Demokratike do të qëndrojë në krah të tyre në mbrojtje të të drejtave dhe kërkesave që ata kanë ngritur”, shkruan Berisha.